លិខិតសំណូមពរមិត្តអ្នកអាន

លិខិតសំណូមពរមិត្តអ្នកអាន

តាមរយៈនៃអង្គភាពសារព័ត៌មាន គេហទំព័រ ស្ថាបនាជាតិខ្មែរញូស៍ ពីលិខិតមិត្តអ្នកអាន សូមគោរពរាយការណ៍ជូន ឯកឧត្តមសន្តិបណ្ឌិត នេត សាវឿន  អគ្គស្នងការនគរបាលជាតិ អំពីករណីមានទីតាំងខារ៉ាអូខេ (KTV) ១កន្លែងជារបស់ជនជាតិចិន ដែលបំពាក់ផ្លាកយីហោឈ្មោះ (ថាំង ហ៊ួយក្លិប) ស្ថិតនៅផ្លូវលេខ១០៣ ក្នុងសង្កាត់បឹងត្របែក ខណ្ឌចំការមន ។ 

ដោយកាលពីនៅថ្ងៃទី២៣ ខែមករា ឆ្នាំ២០២៣ ថ្មីៗនេះពួកខ្ញុំបាទមានគ្នាចំនួន ៤នាក់ សុំមិនបញ្ចេញឈ្មោះ បាននាំគ្នាចូលទៅកំសាន្តលេងដូចគេដូចឯងដែរស្រាប់តែមួយស្របក់ក្រោយមកពួកខ្ញុំបាទក៏បានសង្កេតឃើញនៅក្នុងក្លិបនេះមិនត្រឹមតែបម្រើសេវាកម្មខារ៉ាអូខេនោះទេ គឺថែមទាំងមានលួចបង្កប់បម្រើសេវាកម្មប្រើប្រាស់ - ចែកចាយគ្រឿងញៀន និងព្រមទាំងមានលួចបង្កប់បើកបនល្បែងស៊ីសងហ្គេមបាញ់ត្រី និងមានល្បែងស៊ី​សង​តាមប្រព័ន្ធអនឡាញជាច្រើនប្រភេទទៀត ដំណើរការយ៉ាងអាណាធិប-  តេយ្យមានលក្ខណៈទ្រុងទ្រាយធំជាយូរមកហើយ មិនកោតញញើតនឹងច្បាប់សោះ ។

ចំពោះបញ្ហាទីតាំងខារ៉ាអូខេខាងលើនេះ សមត្ថកិច្ចគ្រប់ជាន់ថ្នាក់ខណ្ឌចំការមន អត់ព្រមចេញមុខចុះបង្រ្កាបម្តងណាឡើយ ។ ខ្ញុំបាទមិត្តអ្នកអានសូមសំណូមពរដល់ ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ដ៏ខ្ពង់ខ្ពស់ មេត្តាជួយចាត់មន្ត្រីពាក់ព័ន្ធស្ថិតក្រោមឱវាទ ចុះពិនិត្យជាក់ស្តែងដល់ចំណុចទីតាំងខារ៉ាអូខេ មានបំពាក់ផ្លាកយីហោឈ្មោះ ថាំងហ៊ួយក្លិបខាងលើ ដើម្បីឈានដល់មានវិធានការបង្ក្រាបតាមផ្លូវច្បាប់ផងទាន ៕