កីឡាករគុនខ្មែរដ៏ល្បី ធឿន ធារ៉ា បានសម្រេចមហិច្ឆតារបស់ខ្លួនដណ្ដើមបានខ្សែក្រវាត់កម្រិតពិភពលោក និងផ្ទះវីឡាកូនកាត់មួយខ្នង

 កីឡាករគុនខ្មែរដ៏ល្បី ធឿន ធារ៉ា បានសម្រេចមហិច្ឆតារបស់ខ្លួនដណ្ដើមបានខ្សែក្រវាត់កម្រិតពិភពលោក និងផ្ទះវីឡាកូនកាត់មួយខ្នង ក្រោយផ្ដួលដៃគូ៣ប្រកួតក្នុងព្រឹត្តិការណ៍​ប្រដាល់​គុន​ខ្មែរ​ជើងឯក​៨​ប្រទេសឬ8 MEN TOURNAMENT ដែល​រៀបចំ​ឡើង​ដោយ​ស្ថានីយទូរទស្សន៍​ក្នុងស្រុកមួយ កាលពី​ថ្ងៃ​ទី​១៦ ​វិច្ឆិកា​ កន្លងទៅនេះ​។

ធឿន ធារ៉ា កំពុងធ្វើឲ្យពិភពលោកស្គាល់គុនខ្មែរកាន់តែច្រើន តាមរយៈជីវិតតស៊ូ និងសមិទ្ធផល ដែលរូបគេសម្រេចបានក្នុងរយៈពេលប៉ុន្មានឆ្នាំចុងក្រោយ ។ ជាក់ស្ដែងត្រឹមវ័យ ១០ឆ្នាំ ធារ៉ា បានចំណាកស្រុកដើម្បីធ្វើការជួយផ្គត់ផ្គង់គ្រួសារ នៅប្រទេសថៃ មុនកីឡាករមានប្រភពពីខេត្តព្រៃវែងរូបនេះ ត្រឡប់មកហ្វឹកហាត់គុនខ្មែរវិញ នៅវ័យ ១៥ឆ្នាំ រហូតបានចូលរួមជម្រើសជាតិក្រុមជម្រើសជាតិគុនខ្មែរ នៅឆ្នាំ២០១៨ ។

ការរៀបចំប្រដាល់​គុន​ខ្មែរ​កម្រិត​ពិភពលោក​ជា​លើក​ទី​២​នៅ​កម្ពុជា (8MEN TOURNAMENT) ដែលមានជើងខ្លាំងមកពី៨ប្រទេស រួមទាំងកម្ពុជាផងដែរ នៅចុងឆ្នាំឆ្នាំ​២០២៣ ដោយ​ទទួល​បានការ​គាំទ្រ​ខ្លាំង​ពី​សំណាក់​មហាជន​ខ្មែរ ខណៈ​កាលនោះ កីឡាករ ធឿ​ន ធា​រ៉ា ជា​ម្ចាស់​ខ្សែក្រវាត់​​។