អគ្គ​ស្នងការរង​នគរបាលជាតិ ចុះ​ពង្រឹង​ការងារ​នគរបាល​ព្រំដែន ក្នុងភូមិ​សាស្ត្រ​ស្រុក​កំរៀង​

 


បាត់ដំបងៈ នៅ​រសៀល ថ្ងៃទី​១៩ ខែកុម្ភៈ ឆ្នាំ ២០២១ នាយ​ឧ​ត្ត​ម​សេនីយ៍ ហ៊ូ សា​គុណ អគ្គ​ស្នងការរង នគរបាលជាតិ និង​ជា​ប្រធាន​នាយកដ្ឋាន​កណ្ដាល នគរបាល​ព្រំដែន បាន​អញ្ជើញ​ចុះ​ពិនិត្យ កម្លាំង​តាម​គោលដៅ​ជួរមុខ ក្នុងភូមិ​សាស្ត្រ ស្រុក​កំរៀង ខេត្តបាត់ដំបង ដែលមាន​កម្លាំង​នគរបាល​វរៈ​ព្រំដែន​គោក និង​កម្លាំង​កងយោធពល​ខេមរភូមិន្ទ កំពុង​បំពេញភារកិច្ច នៅ​ទីនោះ​។​



​នាយ​ឧ​ត្ត​ម​សេនីយ៍ បាន​ក្រេ​ី​ន​រំលឹក និង​ជំរុញ​បន្ថែមទៀត ដល់​កងកម្លាំង ត្រូវ​ធ្វេ​ី​សកម្មភាព​ល្បាត ត្រួតពិនិត្យ តាម​ខ្សែបន្ទាត់​ព្រំដែន ក្នុងភូមិ​សាស្ត្រ ទទួលខុសត្រូវ​ជាប់​ជាប្រចាំ ចំពោះ​ពលករ ដែល​វិលត្រឡប់ មកពី​ទឹកដី​ថៃ​វិញ សូម​នាំ​គាត់ មក​ធ្វើ​ច​ត្តា​ឡី​ស័ក នៅ​ទីកន្លែង ដែល​បានរៀបចំ​ទទួល ក្រៅពីនោះ ត្រូវ​បង្ក្រាប​ឱ្យ​ខាន​តែ​បាន នូវ​មេខ្យល់​ដែល​តែងតែ​ឆ្លៀតឱកាស ប្រ​ព្រឹ ត្ត​នូវ​សកម្មភាព​ល្មេ​ី​ស គឺ​ត្រូវ​ចាប់ខ្លួន យកមក​អនុវត្តតាម​ច្បាប់ ។​



​ក្នុងការ​ត្រួតពិនិត្យ​នេះ នាយ​ឧ​ត្ត​ម​សេនីយ៍ បាន​នាំយក​នូវ​អំណោយ របស់់​នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ មាន​មី​ចំនួន ៥០ កេស ទឹកបរិសុទ្ធ​ចំនួន ៥០ កេស ចែកជូន​ដល់​កងកម្លាំង​ប្រចាំការ នៅ​គោលដៅ​ជួរមុខ​ផងដែរ​៕



Post a Comment

0 Comments