បន្ទាយមានជ័យៈ ព្រះគ្រូ ប៉ោ សុខឿន ព្រះគ្រូចៅអធិការ វត្តនិមិត្តសុធីរាម កូនដំរី សង្កាត់និមិត្ត ក្រុងប៉ោយប៉ែត មានសង្ឃដីកា នៅថ្ងៃទី២៦ ខែកុម្ភៈ ឆ្នាំ២០២១នេះថាៈ កាលពីថ្ងៃទី២៥ ខែកុម្ភៈ ម្សិលមិញ ព្រះអង្គ បាននិមន្តចូលរួមជាមួយលោក ស្រេង សុផល សមាជិកក្រុមប្រឹក្សាខេត្ត និងក្រុមការងារ យុវជនខេត្ត ថ្នាក់
ស្រុក ក្រុង ឃុំ ក្នុងការប្រគល់ សម្ភារៈ គ្រឿងឧបភោគបរិភោគ ដែលសម្ភារ:ទាំងនេះ បានមកពីការចូលរួម របស់លោក លោកស្រី ក្រុមការងារ និងសប្បុរសជននានា ប្រគល់ជូនកងកម្លាំងការពារ តាមខ្សែបន្ទាត់ ព្រំដែន កម្ពុជា ថៃ គឺបានប្រគល់រួម នៅទីបញ្ជាការផ្នែកសឹករង ស្រុកម៉ាឡៃ ខេត្តបន្ទាយ មានជ័យ។
លោក ស្រេង សុផល សមាជិកក្រុមប្រឹក្សា ខេត្តបន្ទាយមានជ័យ បានឱ្យដឹងថាៈ សម្ភារៈ អំណោយទាំងនោះ រួមមាន អង្ករចំនួន១តោន (១.០០០ គ.ក), មី១០០កេស, ត្រីខកំប៉ុង ១០កេស, ទឹកត្រី១០យួរ, ទឹកស៊ីអ៊ីវ១០យួរ និងទឹកបរិសុទ្ធ ៥០០ យួរ៕
