ខេត្តព្រះសីហនុ៖ អាជ្ញាធរខេត្តព្រះសីហនុបានអះអាងថា វ៉ាក់សាំងដែលបានទទួលពីក្រសួងមាន Sinopharm: 6600 ដូស និង Astrazeneca: 500 ដប ស្មេីនឹង 5000 ដូស គិតត្រឹមថ្ងៃ៧ ខែមីនា ឆ្នាំ២០២១ បានចាក់ជូនមន្ត្រីជួរមុខ៖Sinopgarm:២០៦៦នាក់ និង Astrazeneca: ៤៣៣នាក់។
លោក ឃាង ភារម្យ អ្នកនាំពាក្យរដ្ឋបាលខេត្តព្រះសីហនុបានឱ្យដឹងថា សម្រាប់ព្រឹត្តិការណ៍សហគមន៍ ២០ កុម្ភៈ នៅថ្ងៃទី៧ ខែមីនា ឆ្នាំ២០២១ គិតត្រឹមម៉ោង១០ យប់ អ្នកវិជ្ជមានកូវីដ១៩សរុប មាន ១១៧នាក់ ស្រី៤៩នាក់។ អ្នកជំងឺទាំងអស់បានដាក់ឱ្យសម្រាកព្យាបាលនៅមន្ទីរពេទ្យបង្អែកខេត្ត (ពេទ្យចំការចេក) និងកន្លែង ព្យាបាល សាកាណា (Sakana) ។ លោកបន្តថា ក្រុមការងារបានយកសំណាកថ្មីសរុបចំនួន១០៧២៤នាក់ ស្រី ៤៥៩១នាក់ និងបានយកសំណាកលើកទី២ សរុបចំនួន ៤៨១នាក់ ស្រី១៧២នាក់។
លោក ឃាង ភារម្យ បានឱ្យដឹងទៀតថា រដ្ឋបាល ខេត្តព្រះសីហនុ បានចេញសេចក្តីជូនដំណឹងផ្អាកអាជីវកម្មសរុប៣៩កន្លែង និងបានកំណត់ជាមណ្ឌលចត្តាឡីស័ក ហើយបានចុះធ្វើកិច្ចសន្យាជាមួយម្ចាស់ ឬអ្នកគ្រប់គ្រងទីតាំងអាជីវកម្ម សេវាកម្មគ្រប់ប្រភេទបានចំនួន ១៨ កន្លែង សរុប ៩៦៨កន្លែង ព្រមទាំងបានបន្តដាក់គោលដៅត្រួតពិនិត្យ និងទប់ស្កាត់រថយន្តចេញ-ចូលខេត្ត ចំនួន ៤កន្លែង។ ក្រៅពីនេះ បានបន្តស្រាវជ្រាវ និងអំពាវនាវដល់អ្នកដែលមានការពាក់ព័ន្ធឱ្យស្ម័គ្រចិត្តមកយកវត្ថុសំណាក និងធ្វើចត្តាឡីស័កឱ្យបានត្រឹមត្រូវស្របតាមការណែនាំរបស់ក្រសួងសុខាភិបាល៕
