ខេត្តពោធិ៍សាត់ ៖ ប្រធានមន្ទីរទេសចរណ៍ខេត្តពោធិ៍សាត់បានឱ្យដឹងថា រយៈពេល៣ថ្ងៃនាឱកាសបុណ្យចូលឆ្នាំចិន ភ្ញៀវទេសចរទៅ ទស្សនាកម្សាន្តមានចំនួន២៤,៧២៣នាក់ មានការកើនឡើង៦១,៦១ភាគរយ បើធៀបនឹងឆ្នាំ២០២០ ដែលមានចំនួនត្រឹមតែ ១៥,២៩៧នាក់ប៉ុណ្ណោះ ។
លោក សំ ឃីម ប្រធានមន្ទីរទេសចរណ៍ខេត្តពោធិ៍សាត់ បានឱ្យដឹងថា រយៈពេល៣ថ្ងៃនាឱកាសបុណ្យចូលឆ្នាំចិន ចាប់ពីថ្ងៃ ទី១២ដល់១៤ ខែកុម្ភៈ ឆ្នាំ២០២១ ភ្ញៀវទេសចរទៅទស្សនាកម្សាន្តមានចំនួន២៤,៧២៣នាក់ ហើយសម្រាប់ការការពារ សន្តិសុខ សណ្ដាប់ធ្នាប់សាធារណៈ គ្មានបញ្ហាអ្វីកើតឡើងគួរឱ្យកត់សម្គាល់នោះឡើយ រីឯវិធានសុវត្ថិភាពទេសចរណ៍ និងការណែនាំរបស់ក្រសួងសុខាភិបាលនោះទៀតសោត ក៏បានអនុវត្តយ៉ាងយកចិត្តទុកដាក់ផងដែរ ។
លោកបន្តថា ដោយមានការណែនាំយ៉ាងហ្មត់ចត់ពីសំណាក់ឯកឧត្តមរដ្ឋមន្ត្រីក្រសួងទេសចរណ៍ និងឯកឧត្តមអភិបាលខេត្ត មន្ត្រីជំនាញនៅតាមមន្ទីរ អង្គភាព និងស្ថាប័ននានា ពិសេសមន្ទីរទេសចរណ៍ខេត្ត បានចុះពង្រឹងការអនុវត្តតាមវិធាន សុវត្ថិភាពទេសចរណ៍ ដែលបានដាក់ចេញដោយក្រសួងទេសចរណ៍ និងការណែនាំពីវិធានអនាម័យ ដែលបានដាក់ចេញ ដោយក្រសួងសុខាភិបាល ។
« អាជ្ញាធរបានចាត់វិធានការតាមការណែនាំរបស់ក្រសួងសុខាភិបាល ដើម្បីអនុវត្តវិធានសុវត្ថិភាពទេសចរណ៍ របស់មន្ទីរទេសចរណ៍ខេត្តពោធិ៍សាត់ ដែលយើងមានការវាស់កម្ដៅ ពាក់ម៉ាស់ លាងដៃជាមួយសាប៊ូឬអាល់កុល និងពីការ រក្សាគម្លាតឱ្យបានត្រឹមត្រូវ » ។
សូមបញ្ជាក់ថា ខេត្តពោធិ៍សាត់មានរមណីយដ្ឋានចំនួន១៤កន្លែង ហើយរមណីយដ្ឋានទទួលបានភ្ញៀវទេសចរច្រើនជាងគេ រួមមាន រមណីយដ្ឋានទឹកធ្លាក់ច្រកល្អៀង ៦,១៤៧នាក់ , រមណីយដ្ឋាន រីសតតាលោសែនជ័យ ៧,៣០៥នាក់ និង អូរសោមមានចំនួន២,៩៣២នាក់ ៕
វិទ្យុជាតិកម្ពុជា ៖ ស៊ឹង សុផារី៖សម្រួលការផ្សាយដោយ៖ sckhtv-news.com
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBNkRYQVE9PSIsImV4cCI6bnVsbCwicHVyIjoiYmxvYl9pZCJ9fQ==--3f6328bfdb8486346ec8bd9f42effc5d40ed14c4/E212918B-E852-41FF-8383-A65A1B8.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNkhYQVE9PSIsImV4cCI6bnVsbCwicHVyIjoiYmxvYl9pZCJ9fQ==--8f43f533ecd87b5cb47c353515e70d757e76b3cf/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/2B3E9D33-5DA9-42E6-9CC1-B162ED1.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNkxYQVE9PSIsImV4cCI6bnVsbCwicHVyIjoiYmxvYl9pZCJ9fQ==--8ccc0d5b4923be4dab3ee94ccf825fd1dff5710c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/C52CA38E-0DB2-4DF3-8D2A-60C2D1D.jpeg)