ក្រុមហ៊ុន​ថៃ​ចំនួន​៧ ផ្តល់​អំណោយ​គ្រឿងឧបភោគ​បរិភោគ ដល់​រដ្ឋបាលខេត្ត​បន្ទាយមានជ័យ

 


បន្ទាយ​មាន​ជ័​យៈ ក្នុងឱកាស​បំពេញ​ទស្សនកិច្ច នៅ​ច្រកព្រំដែន​អន្តរជាតិ ស្ទឹង​បត់ -​ណង​អៀន ក៏ដូចជា តំបន់​សេដ្ឋកិច្ច ពាណិជ្ជកម្ម នៅ​ក្រុង​ប៉ោយប៉ែត ខេត្ត​បន្ទាយ មានជ័យ លោក​អគ្គទីប្រឹក្សា​សេដ្ឋកិច្ច អម​ស្ថានទូត​ថៃ ប្រចាំ​កម្ពុជា បាន​ដឹកនាំ​ក្រុមហ៊ុន​ថៃ ចំនួន​៧ នាំយក​នូវ​អំ ណោ​យ ជា​គ្រឿង​ឧបភោគបរិភោគ មក​ប្រគល់ជូន រដ្ឋបាលខេត្ត​បន្ទាយ មានជ័យ​ផងដែរ​។​



​លោក ង៉ោ មេ​ង​ជ្រួ​ន អភិបាលរង ខេត្តបន្ទាយមានជ័យ តំណាង​លោក អ៊ុំ រាត្រី អភិបាល គណៈ​អភិបាលខេត្ត និង​លោក គាត ហ៊ុល អភិបាលក្រុង​ប៉ោយប៉ែត កាលពី​ល្ងាច​ថ្ងៃទី​១០ ខែមីនា ឆ្នាំ​២០២១ បានទទួល​អំណោយ​នោះ នៅ​មណ្ឌល​ច​ត្តា​ឡី​ស័ក កម្រិត​១ វិទ្យាល័យ និមិត្ត សង្កាត់​និមិត្ត ក្រុង​ប៉ោយប៉ែត​។​



​លោក​អគ្គទីប្រឹក្សា​សេដ្ឋកិច្ច អម​ស្ថានទូត​ថៃ ប្រចាំ​កម្ពុជា បាន​ថ្លែងថាៈ ការនាំយក​សម្ភារៈ ជា​គ្រឿងឧបភោគ បរិភោគ នាពេលនេះ គឺ​ដើម្បី​ជួយ​កាត់បន្ថយ និង​សម្រួល​នូវ​ការលំបាក របស់ អាជ្ញាធរខេត្ត ក្រុង ក្នុង​ភារកិច្ច​ឆ្លើយតប​នឹង​វិធានការ ការពារ ទប់ស្កាត់​ការរីក​រាល ដាល​នូវ​ជំងឺ​កូ​វីដ ១៩ និង​ដើម្បី​ចែកជូន ប្រជាពលរដ្ឋ ដែល​ធ្វើ​ច​ត្តា​ឡី​ស័ក នៅក្នុង​មណ្ឌល​នេះ ក៏ដូចជា មន្ត្រី​អាជ្ញាធរ កងកម្លាំង មន្ត្រីរាជការ ដែល​ប្រចាំ​នៅក្នុង​មណ្ឌល​ច​ត្តា​ឡី​ស័ក ទាំង ១៣ នៅក្នុង​ទូទាំង ខេត្តបន្ទាយមានជ័យ ។​


​ក្នុងឱកាស​នោះ អគ្គទីប្រឹក្សា​សេដ្ឋកិច្ច អម​ស្ថានទូត​ថៃ ប្រចាំ​កម្ពុជា​ក៏បាន​ថ្លែង​នូវ​ការ​សួរ សុខទុក្ខ និង​ផ្ដាំផ្ញើ ដល់​ប្រជាពលរដ្ឋ ដែល​បានបញ្ចប់​នូវ ការធ្វើ​ច​ត្តា​ឡី​ស័ក សូម​ធ្វើដំណើរ ប្រកបដោយ​សុវត្ថិភាព ហើយ​បាន​ស្តារ​នូវ ជីវភាព​ឡើងវិញ នៅតាម​លំនៅឋាន​របស់ខ្លួន​។​

​លោក​អភិបាលរង ខេត្តបន្ទាយមានជ័យ បានឱ្យដឹង​កាលពី​ថ្ងៃទី​១២ ខែមីនា​នេះ​ថាៈ ដំណើរ​ទស្សនកិច្ច ក៏ដូចជា សកម្មភាព​មនុស្សធម៌ របស់​មន្ត្រី​ស្ថានទូត​ថៃ និង​ក្រុមហ៊ុន​ថៃ នាពេលនេះ បាន​ឆ្លុះបញ្ចាំង​នូវ កិច្ចសហ ប្រតិបត្តិការ ការជួយ​គ្នា​ក្នុង​គ្រាក្រ របស់​ប្រជាជាតិ ភូមិ​ផង​របង​ជាមួយ ជា​បងប្អូន ៕

Post a Comment

0 Comments