![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMHo1QVE9PSIsImV4cCI6bnVsbCwicHVyIjoiYmxvYl9pZCJ9fQ==--5c01cf559b577e4ed6c514cbd0da5247d73edf9e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/photo_2021-03-12_10-58-51.jpg)
ក្នុងសេចក្ដីជូនដំណឹងបានគូសបញ្ជាក់ថា ក្រោយការស្រាវជ្រាវ និងពិនិត្យសំណាកលើកទី១ ចំពោះអ្នកពាក់ព័ន្ធផ្ទាល់ និងប្រយោលជាមួយស្ត្រីដែលមានផ្ទុកជំងឺកូវីដ-១៩ ឃើញថាលទ្ធផល គឺអវិជ្ជមានកូវីដ-១៩ ទាំងអស់នោះ។ ហេតុនេះ ដើម្បីចៀសវាងផលប៉ះពាល់ដល់ការសិក្សារបស់សិស្សានុសិស្ស និងមានការយល់ព្រមពីថ្នាក់ដឹកនាំស្រុក និងខេត្តផង ការិយាល័យអប់រំយុវជន និងកីឡាស្រុកពួក សម្រេចបើកដំណើរការការសិក្សារបស់សាលាទាំង១៩ ជាធម្មតាវិញ ដោយអនុវត្តន៍តាមវិធានការ ៣ការពារ និង ៣កុំ តាមការណែនាំរបស់ប្រមុខរាជរដ្ឋាភិបាល និងក្រសួងសុខាភិបាល។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMDM1QVE9PSIsImV4cCI6bnVsbCwicHVyIjoiYmxvYl9pZCJ9fQ==--4015da68d0cb4962e055e97870c3cbe60c0e090b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-03-12_10-59-17.jpg)
លោក លី ប៊ុនណា ប្រធានមន្ទីរអប់រំយុវជន និងកីឡាខេត្ដសៀមរាប បានមានប្រសាសន៍ថា តាមសំណើរបស់ការិយាល័យអប់រំ យុវជន និងកីឡាស្រុកពួក និងតាមការស្រាវជ្រាវ និងពិនិត្យសំណាកលើកទី១ ចំពោះអ្នកពាក់ព័ន្ធផ្ទាល់ និងប្រយោល ជាមួយស្ត្រីដែលផ្ទុកជំងឺកូវីដ-១៩ ដែលលទ្ធផលគឺអវិជ្ជមាន កូវីដ-១៩ ទាំងអស់។ លោកបានបន្ដថា តាមរយៈលទ្ធផលនេះ មន្ទីរអប់រំក៏បានយល់ព្រមតាមសំណើរបស់ការិយាល័យអប់រំស្រុកពួក ដើម្បីចៀសវាងផលប៉ះពាល់ដល់ការសិក្សារបស់សិស្សានុសិស្ស ប៉ុន្ដែត្រូវអនុវត្តន៍តាមវិធានការ ៣ការពារ ៣កុំ ឱ្យបានខ្ជាប់ខ្ជួនផងដែរ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMDc1QVE9PSIsImV4cCI6bnVsbCwicHVyIjoiYmxvYl9pZCJ9fQ==--b44aad9eef7bea8703e8750afcb5d3e3b8ec17c2/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/photo_2021-03-12_10-59-37.jpg)
សូមជម្រាបថា កាលពីថ្ងៃទី០៩ ខែមីនា ឆ្នាំ២០២១នេះ សាលារៀនចំនួន ១៩កន្លែង នៅក្នុងឃុំចំនួន៤ ក្នុងនោះមាន ឃុំខ្នាត ចំនួន ៦សាលា, ឃុំពួក ចំនួន ៥សាលា, ឃុំសំរោងយាចំនួន ៣សាលា និងឃុំកែវពណ៌ ចំនួន ៥សាលា បានសម្រេចបិទមិនឱ្យសិស្សចូលរៀនជាបណ្ដោះអាសន្ន ក្រោយពេលស្រ្ដីម្នាក់ឆ្លងជំងឺកូវីដ-១៩ មកពីខេត្ដព្រះសីហនុ ចូលក្នុងសហគមន៍នៅស្រុកពួកនោះ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMUQ1QVE9PSIsImV4cCI6bnVsbCwicHVyIjoiYmxvYl9pZCJ9fQ==--04c9d4d2ff8e068761bb31696d2a9295ac39ea85/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-03-12_10-59-50.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMC81QVE9PSIsImV4cCI6bnVsbCwicHVyIjoiYmxvYl9pZCJ9fQ==--2d381cf040f8bc3fc7030d9f6f5f204c84cb926f/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/photo_2021-03-12_11-00-33.jpg)