ត្រឡប់ទៅកាលពីជិត ៥ ឆ្នាំកន្លងទៅ បទ «មាន់ស្រែ» របស់តារាចម្រៀង រ៉ាប៊ី ទទួលបានការគាំទ្រយ៉ាងក្រាស់ក្រែលពីសំណាក់មហាជនទាំងក្នុង និង ក្រៅប្រទេស។ លើសពីនេះទៅទៀតនោះ បទមួយនេះ ជឿជាក់ថាប្រិយមិត្តជាច្រើន តែងតែឮសឹងគ្រប់ទីកន្លែង ជាពិសេសពេលមានកម្មវិធីសប្បាយៗ ជួបជុំបងប្អូនម្ដងៗ។
មិនសូវខុសគ្នាពីបទ «មាន់ស្រែ» ប៉ុន្មាននោះទេ បទថ្មីរបស់ រ៉ាប៊ី សម្រាប់ត្រៀមចេញអបអរសាទរពិធីបុណ្យប្រពៃណីជាតិខ្មែរខាងមុខនេះ មានចំណងជើងថា «មាន់ស្រែ ២»។
គួរឱ្យដឹងផងដែរថា ស្រីស្អាត រ៉ាប៊ី បានសាងកេរ្ដិ៍ឈ្មោះល្បីល្បាញត្រូវមហាជនទទួលស្គាល់ពីសមត្ថភាពមិនថាច្រៀង សម្ដែង ឬ រាំនោះទេ។ ភាពប៉ិនប្រសប់ផ្នែកសិល្បៈរបស់ រ៉ាប៊ី បានធ្វើឱ្យនាងក្ដោបបានទីផ្សារការងារជាច្រើនមិនថាការប្រគំតន្រ្តី ការផ្សព្វផ្សាយពាណិជ្ជកម្មផ្សេងៗនោះទេ៕
